FCB – What else?

In Zyttige, im Radio,
uf Telebasel sowiso
drüllt sich s mediale Gscheh
numen um dä FCB.

Wobyy me der Buechstabe «B»
nid nume muess für «Basel» neh:
Blöff, bedänklig und Blamage,
boodeloos und au Bagage
chasch under «B» im Duden gseh.
Und wäisch no: Nati-Liga «B» …

Bim Breesi Burgener stoht «B»
primär für Business, het me gseh.
Denn weere mir scho bi de Näme,
wo d Fän sich fascht derwäge schäme:

Der Sforza het vo Aafang aa
es himmeltruurigs Imitsch ghaa.
Bim Däge syne Referänze
isch au nid nume Gold am Glänze.

Jetz cha me sich jo uf e Nöie
an der Syttelinie fröie:
Wenigschtens blybt do vom Name
här doch alles no im Rahme …

Äigebröödler