Chiirssipfäffer

Di, 23. Feb. 2021

E chläi Fasnecht – trotz allem

«Fünf Supertäg!», säit d Wätterfee.
Doo reuts äim doch no äinisch meh,
ass me s ganze Fasnechtstryybe
au in däm Johr muess lo blyybe.

Immerhin isch me besträbt,
ass glyych e bitzli Fasnecht läbt:
Es wird fasnächtlig dekoriert,
und s wird Fasnächtligs publiziert:

Scho uf Sytten äis am Fryttig
gsehsch: Das git e Fasnechtszyttig.
E Waggis froggt sich: «Hols der Gugger,
bruuchts für sone Scherz e Schugger?
Und denn d Justiz-Diräkzioon
samt Landroots-Intervenzioon?»

S wird sofort klar, s goht in däm Bricht
um die Diegter «Märkli»-Gschicht.
Was miir do draa ganz bsunders gfallt
(ich dänk doo sujet-meessig, halt):

Dä het das «nid-Gäld» z Sissech unde
am «Nid-Fasnechts-Sunntig» gfunde.
Esoo gseh passts: Dä ganzi Märt
weer äigentlig «nid nennenswärt» ...

Äigebröödler

Ganzer Artikel ist nur für Abonnenten verfügbar.

Kommende Events

Stellen

Immobilien

Weitere Angebote