banner

Chiirssipfäffer

Di, 10. Sep. 2019

Numme s Bescht

Das Thema, ich gib’s zue, isch doo
im «Pfäffer» früehner scho mol choo.
Doch unterdesse het’s e Form
agnoo, wo d stuunsch, und zwor enorm.

Das Gschäft syg grad däwääg am Boome,
ass me jetz – übere Duume
gschetzt – e ganzi Million
cha inveschtiere. D Region

im Waldeburgertal häig soo
au wiider Hoffnig überchoo.
Arbetsplätz syyge jo dört
immer willkomme, het me ghört.

Me produziert us beschtem Fläisch
(Qualität isch wichtig, wäisch!)
vo Perlhuehn, Chüngel, Änte und
au Känguruh: Snäcks – für e Hund.

(Zwee Zyyle häi doo jo no Platz:
Das Gschäft isch sicher nid für d Chatz!)

Äigebröödler

Ganzer Artikel ist nur für Abonnenten verfügbar.

Kommende Events

Stellen

Immobilien

Weitere Angebote