Chiirssipfäffer

Di, 23. Jun. 2020

Ich ha grad Geburtstag ghaa.
Do schänkt mir öbber – lueg au aa –
will är mi Kolumne kennt
e Fläsche Chiirssiwasser (brennt!).

Am glyyche Daag, am letschte Fryttig,
chunnt d Etiggette in der Zyttig,
und denn e ganzi Doppelsytte
mit nöije Teggscht zue alte Zytte.

E Heldemythos chunnt ins Wanke.
S isch richtig, ass me sich Gedanke
macht – und glyych nid übertrybt,
ass nume Aktionismus blybt.

Und statt eme Riisegschrey
geeb’s doch e Wortspiilerey.
«Dänkmool» chönnt men äifach jetze
hochdütsch «Denk mal» übersetze.

PS: Es isch jo nie verchehrt,
wemme immer öbbis lehrt …

Äigebröödler

Ganzer Artikel ist nur für Abonnenten verfügbar.

Kommende Events

Stellen

Immobilien

Weitere Angebote